KurdWatch
 

Bi nûçenameya me agahdar bimîne
E-Maila te

qeydkirin
derketin
 
 

KurdWatch, 5ê şibata (February) 2016ê – Di 26ê sibata 2016ê de serekê Encûmena Niştimanî ya Kurd, Ibrahîm Biro, »bi qaçaxî« ji Sûriyê çû Kurdistana Iraqê, piştî ku Partiya Yekîtiya Demokrat (PYD) berî wê rê li ber derketina wî girtibû. Heta berî demeke kin endamên Encûmena Niştimanî ya Kurd dikarîn herin bi aliyê Kurdistana Iraqê bi rêya deriyê sînor yê Sêmalka, bê ku mecbûr bin berî wê destûrê PYD bînin. Tenê divabû ku ew xwe li ser sînor qeyd bikin. Lê ev rêya han hate rawestandin. Ibrahîm Biro niha li ser rêya ber bi axavtinên siyasî li Ewropayê. 

ShareThis

KurdWatch, 3ê şibata (February) 2016ê – Di 27ê çileya paşîna 2016ê de Hêza Ezmanî ya Sûrî taxa Şêx Meqsûd ya Helebî ya ku ji aliyê Yekîneyên Parastina Gel (YPG) yên Partiya Yekîtiya Demokrat (PYD) tê kontrol kirin bombebarankirin. Pê re ji kêmayî çar kesên sivîl jiyana xwe ji dest dan, hin kesên din birîndar bûn. Herweha çend xaniyên jîngariyê zerer dîtin. Sedemên êrîşê ne diyar in. Li gor agahiyên YPG şervanên wê di 29ê çileya paşînê di karekî tolhildanê de li rojhilatî Şêx Meqsûd du leşkerên sûrî kuştin.

ShareThis

KurdWatch, 3ê şibata (February) 2016ê – Di 24ê çileya paşîna 2016ê de li Hisiça pevçûn di nav Yekîneyên Parastina Gel (YPG) yên Partiya Yekîtiya Demokrat (PYD) û Artêşa Bergiriya Niştîmanî ya alîgira rêjîmê. Şervanên Artêşa Bergiriya Niştîmanî hewl dabûn taxa Neşwa Xerbî ya ku bêhtir Ereb li wê dijîn ji xwe re bibin. Di tebaxa 2015ê de YOG Dewleta Islamî (DI) ji bajar derxistibû [agahiyên bêhtir]. Ji hingî ve ew hin taxên ereban jî di nav de Neşwa Xerbî, kontrol dikin. Pevçûn nêzîkî du saetan berdewam kirin. Agahiyên girêdayî kuştî yan birîndaran tune ye.

ShareThis

KurdWatch, 2ê şibata (February) 2016ê – Di 28ê sibata 2016ê de şervanên Dewleta Islamî (DI) êrîşî wargehên Yekîneyên Parastina Gel (YPG) yên Partiya Yekîtiya Demokrat (PYD) li rojhilatê bajarê Eyn Îsa, yê ku sih û penc kîlometran li başûrê Girê Sipî dikeve. Wisa ajansa Hawar (ANHA) ya nûçeyan a nêzîkî PYD ragehand. Agahiyên girêdayî qurbaniyên muhtemel tune ne. 

ShareThis

KurdWatch, 2ê şibata (February) 2016ê – Li gor agahiyên Yekîneyên Parastina Gel (YPG) yên Partiya Yekîtiya Demokrat (PYD) wana di 15ê sibata 2016ê de du şervanên Dewleta Islamî (DI) li başûrê bajarê Hisiça kuştin, gava wan hewl didan xwe li nêzîkî nuqteyeke kontrolê ya YPGê biteqînin.

ShareThis

KurdWatch, 30ê çileya paşîna (January) 2016ê – Di 24ê çileya paşîna 2016ê de madeyeke teqînok li navenda bajarê Qamişloyê teqiya, ya ku li nêzîkî qehwexaneyekê bi biskilêtekê ve kiribûn. Pêre sê kesan jiyana xwe ji dest dan, pênc kesên dî birîndar bûn. Berpirsê teqînê gerek e Dewleta Islamî (DI) be. Wisa malpera facebookê Amaq ya nêzîkî DI ragehand. Lê Asayîş, Hêzên Ewlekariyê yên Partiya Yekîtiya Demokrat (PYD), di ragehandinekê de Artêşa Bergiriya Niştîmanî ya nêzîkî rêjîmê kir berpirsê vê êrîşî û êrîşên 30ê çileya pêşîna 2015ê [agahiyên bêhtir] jî. Sedemên tawanbariyan bêhtir nehatin zelalkirin. 

ShareThis

KurdWatch, 29ê çileya paşîna (January) 2016ê – Di 21ê çileya 2016an de partiya yekîtiya demokratîk (PYD) ji hemû xudanên dikanan li Dêrikê xwest, ku dikanên xwe bigrin, ji bo ku li dijî siyaseta Kurdan ya desthilata tirk li Turkiyeyê protesto bikin. Xudanên dikanan jî yên ne alîgirên PYD daxwaz bicihanîn ji ber tirsa zordariyên dijûnên tinekirina wan.

ShareThis

KurdWatch, 27ê çileya paşîna (January) 2016ê – Weke ku rojnameya erebî ya serbixwe al‑Quds al‑Arabi ragehand, di 16ê çileya paşîna 2016ê de hevdîtinek di nav wezîrê hundur ê Sûriyeyê, Mihemed Ibrahîm Aşaar û nûnerên Partiya Karkerên Kurdistan (PKK), yên Tevgera Civaka Demoqrat (TEV-DEM) herweha yên Yekîneyên Parastina Gel (YPG) yên Partiya Yekîtiya Demokrat (PYD) li Qamişloyê pêk hat. Di nav kesên amadebûyî de li gor nûçeyê berdevkê çapemeniyê yê YPG, Rêdûr Xelîl, herweha serokê hevbeş yê TEV-Demê, Aldar Xelîl, amade bûn. Di axavtinan de rewşa ewlekariyê li parêzgeha Heseke herweha beşdariya muhetemel ya PYD di axavtinên bên de yên di nav rêjîm û rikebiryê de li Genfê hatin gengeşekirin.

ShareThis

KurdWatch, 27ê çileya paşîna (January) 2016ê – Di 15ê çileya paşîna 2016ê de endamên Encûmena Niştimanî ya Kurd destpêkirin, imzeyan ji bo daxwaznameyekê bidin hev, ya ku gengeşekirina »pirsa kurd« di danûstandinên di nav rikebiriya sûrî û rêjîma sûrî de li Genfê dike. Lîste gerek e bidin sekreterê giştî yê Netewên Yekbûyî, Ban Kî-moon. Partiya Yekîtiya Demokrat (PYD) hewl da, rê li ber komkirina imzeyan bigre. Çend lîste hatin standin û ji kêmayî diwanzdeh çalakvan, yên ku li Efrînê imze komkiribûn, çend saetan ji aliyê Asayîşê, Hêzên Ewlekariyê yên PYD ve hatin giritin. Li gor Encûmena Niştimanî ya Kurd heta niha 625 400 imze hatin komkirin.

ShareThis

KurdWatch, 26ê çileya paşîna (January) 2016ê – Di 7ê çileya paşîna 2016ê de Partiya Yekîtiya Demokrat (PYD) bi du partiyên dî re ragehand, ku ew endametiya xwe di Komîteya Tensîqê ya Niştimanî ya Hêzên Guhertina Demokrat sarkirin. Hin ji sedemên biriyarê li gor ragehandinê: tinebûna lêborîna neteweyî ya endamên komîteya bicihanînê, sazkirina nivîsgehên Komîteya Niştîmanî li derve, bê ku PYD de bê agahdarkirin, imzekirina peymanekê bi Hevbendiya Niştîmanî ya Hêzên Şoreşgêr û rikebir yên Sûrî, bê guhdana meseleya ku ev Rêvebiriya deverên Kurdan ji aliyê PYD ve napejirîne, herweha nebeşdariya her sê partiyan di kongireyê rikebiriyê yê Riyadê [agahiyên bêhtir]. Herweha komîteya bichanînê bê binavkirina hurikîyên dî tê tawanbarkirin, ku pejirandibe, ku Yekîneyên Parastina Gel (YPG) yên PYD wekî rêxistineke terorê bê nasandin.

ShareThis

KurdWatch, 25ê çileya paşîna (January) 2016ê – Di 7ê çileya paşîna 2016ê de kesên nenas ketin nivîsgeha Partiya Yekîtî ya Kurdî li Sûriyê ya li Qamişloyê û melef, rahêjerên elektronîk yên agahiyan û wêneyên ku bi rêya wan endamên partiyê dikarin bên naskirin, bi xwe re birin. Lê alavên elektronîk û tiştên buha nehatin dizîn. 

ShareThis

www.kurdwatch.org -  © 2009 - 2015 [ E-Mail: info@kurdwatch.org ]