KurdWatch
 

Bi nûçenameya me agahdar bimîne
E-Maila te

qeydkirin
derketin
 
 
Leşkerkirina bi zorê û bikaranîna leşkerên zarok ji aliyê Partiya Yekîtiya Demokrat li Sûriyeyê ve

KURDWATCH, 30ê hizêrana (June) 2015ê – Di 13ê tîrmeha 2014ê rêvebiriya demkî ya Kantona Cizîrê, ya ku ji aliyê Partiya Yekîtiya Demokrat (PYD) ve hatiye danîn, yasayeke leşkerkirina bizorê bi sernivîsa »Erka xwebergiriyê« derxist. Ev nivîsera han wê yasayê analîz dike û bi kiryarên leşkerkirinê yên milîsên partiya PYD, Yekîneyên Parastina Gel (YPG), ji dema derketina yasayê mijûl dibe.

PDF [PDFê daxîne]

ShareThis

KURDWATCH, 30ê tîrmeha (June) 2015ê – Di 24ê hizêrana 2015ê de li ser rêya Reqayê ber bi Kobanî ve mînek di bin bûseke biçûk de teqiya. Pê re ji kêmayî şeş rêwengiyên bûsê yên kurd jiyana xwe ji dest dan, hinek din birîndar bûn. Rêwiyên bûsa biçûk li ser daxwaza Dewleta Islamî (DI) dev ji bajarê Reqayê berdabûn [agahiyên bêhtir].

ShareThis

KURDWATCH, 30ê tîrmeha (June) 2015ê – Di 25ê hizêrana 2015ê de şervanên Dewleta Islamî (DI) derbasî bajarê Kobaniyê bûn. Wan xwe di çend avahiyan de asê kirin û bê ser û ber fîşek teqandin kesên sivîl. Herweha şervanên DI kesên sivîl ji kêmayî li heft gundên hawîrdor kuştin, di nav de Kanftar, Menaz Tirmik, Derbazin, Xeros û Berx Batan. Li Berx Batana ku bîst û penc kîlometran li başûrê Kobaniyê dikeve ji kêmayî bîst û pênc kes hatin kuştin. Hejmara tevayî ya kuştiyan ji aliyê Partiya Yekîtiya Demokrat (PYD) bi 201 hatiye ragehandin. Di 27ê hizêranê de şervanên Yekîneyên Parastina Gel (YPG) yên PYD karîn hemû şervanên DI li Kobaniyê bikujin.

ShareThis

KURDWATCH, 30ê tîrmeha (June) 2015ê – Di çileya pêşîna 2014ê de Mihemed Xelîl Kîkiyê (jidayikbûn 6ê çileya paşîna 1999ê li Dirbêsiyê) yê ku wê demê panzdeh salî bû li Erbîlê li Kurdistana Iraqê winda bû. Li Erbîlê ew bi dê û bav û xwisk û birayên xwe re ji ber şerê navxweyî li Sûriyê baziya bû. Malbata wî texmîn dikir ew li cem Yekîneyên Parastina Gel (YPG) yên Partiya Yekîtiya Demokrat (PYD) be. Wê lewra bi mehan hewl da li ba YPG herweha li ba Asayişê, Hêzên Ewlekariyê yên PYD agahiyên cihê mayîna wî bidest bixin. Lê hertim ji wan ew bersiv werdigirt, ku cihê mayîna wî nizanin. Di sibata 2015ê de malbata wî dawî zanî, ku kurê wê birastî li Tel Temrê ji bo YPG şer dike. Ew li wir li ser erebeyeke ku tivingeke automatîk li ser siwarkirî hatibû bicihanîn û ferman dida pênc şervanên dî yên ku bi xwe jî temenpiçûk bûn. Di adarê de ew li El-Agibeş li nêzîkî Tel Temrê bi giranî birîndar bû. Malbata wî ew bi arîkariya YPG ji bo dermankirinê birin Kurdistana Iraqê. Pismamê wî Elî Cemîl Kîkiyê ji KurdWatch re ragehand: »Mihemed di çavekî de kor bûye. Çend tiliyên xwe windakirye û nikare ji ber pîjiyên di lingên xwe de bi rê ve biçe.«

ShareThis

KURDWATCH, 30ê tîrmeha (June) 2015ê – Di 25ê hizêrana 2015ê de şervanên Dewleta Islamî (DI) êrîşeke mezin li ser bajarê Hisiça destpêkirin û piştî çend saetan du taxên bajêr yên ku bêhtir Ereb li wan dijîn li başûrê bajêr bindestkirin. Di heman demê de hêzên rêjîmê beşên bajêr bi giranî bombebaran kirin. Heta 26ê hizêranê di nav pêncî û heştê hezar welatî bi aliyê Amûdê û Qamişlo yan bi aliyê bakurê bajêr ve reviyan. Yekîneyên Parastina Gel (YPG) yên Partiya Yekîtiya Demokrat (PYD) heta niha tevlî pevçûnên li dijî DI li başûrê bajêr nebûn. Li gor agahiyên nepiştrast PYD wekû merc ji bo tevlîbûna kontrolkirina tevaya bajêr herweha çiyayekî girîng ji hêla stratejî li rojhilatê bajêr danîn, rêjîm li gor heman agahiyan gereke tenê avahiyên desthilatdariyê di dest xwe de bihêle. Herweha PYD dixwaze di hemû herêman de, yên ku ew di wan de şer dike, rêberiya leşkerî bistîne. Herweha rêjîm gereke çekên giran bide YPG û çekan ji milîsên xwe yên ereb bistîne.

ShareThis

KURDWATCH, 30ê tîrmeha (June) 2015ê – Bi KurdWatch re du ragehandinên Dewleta Islamî (DI) hene, ya yekê dîroka wê 19ê hizêrana 2015ê ye. Bi van re ji şervanên DI tê xwestin, ku Kurd, yên wekî ji ola xwe dûrkirî tên nîşankirin, ji herêma bakurê parêzgeha Reqayê bên mişextkirin, ji ber ajanên di nav wan de hene. Ragehandina diwan, bê dîrok e, di heman demê de hatiye weşandin, rûniştiyên kurd wekî birayan nîşan dide, lê dîsa demeke ji 72 saetan ji wan re nîşan dide, ji bo ji herêma ber bi Tedmurê derkevin. Bi rastî dixuye ku tevgereke mişextiyê bi aliyê Kobaniyê ve heye. Herweha ji rûniştiyên Kurd tê xwestin ku erd û xaniyên xwe li cem nivîsgehen berpirsiyar yên Dewleta Islamî qeyd bikin, ji bo ku wekû milkê DI neyên dîtin. Tê texmînkirin ku ev yek ji bo naskirina milkên Kurdên beziyayî ye, ji bo dest li ser van bê danîn.

ShareThis

KURDWATCH, 30ê tîrmeha (June) 2015ê – Partiya Yekîtî ya Kurdî li Sûriyê di 24ê hizêrana 2015ê de li Qamişloyê bi boneya 41emîn salvegera siyaseta »kembera erebî« kombûnek li ber nivîsgeha partiya xwe li dar xist. Nêzîkî pêncî xwenîşanderî vegerandina erden wê demê hatin standin xwestin. Li Tel Temrê semînarek ji bo heman babetê li darxistin, li Qamişloyê, Amûdê, Dirbêsiyê û Girkê Legê endamên partiyê pelik belavkirin. Li Qamişloyê pêre çar endamên partiyê ji aliyê Asayişê ve, Hêzên Ewlekariyê yên Partiya Yekîtiya Demokrat (PYD), hatin girtin. Ew di heman rojê de dîsa serbest hatin berdan. Siyaseta »kembera erebî« pêşniyar dikir, ku bi pehniya deh heta pazdeh kîlometran bi dirêjaya sînorê tirkî û iraqî bi tevayî sed û çil hezar Kurd ji zêdeyî sê sed gundî bên derxistin û rûniştiyên ereb cihê wan bigrin. Bi pêkanîna plana di sala 1965ê de hatibû danîn di sala 1973ê de hate destpêkirin, bi tevayî heta 1976ê bîst û pênc hezar malbatên ereb li herêma Hisiça hatin bicihkirin.

ShareThis

KURDWATCH, 29ê hizêrana (June) 2015ê – Îvan Weysî Kîkiyê (jidayikbûn 17ê adara 1999ê li Dirbêsiyê) di 7ê adara 2015ê de li gundê El.Agîbeş yê ku du kîlometran li rojavayê Tel Temrê dikeve di şerê li dijî Dewleta Islamî (DI) hat kuştin. Ew di tebaxa 2014ê de tevlî Yekîneyên Parastina Gel (YPG) yên Partiya Yekîtiya Demokrat (PYD) bûbû. Bavê wî di wê demê ji sê salan ve li Şamê girtî bû, dayika wî alîgira PYD ye. Pismamê wi Elî Cemîl Kîkîyê ji KurdWatch re ragehand: »Îvan piştî nêzîkî bîst rojan ji leşkerkirina wî rêkirin eniyê li rojavayê Serê Kaniyê. Piştî ku hevalê wî yên şer di êrîşekê de birîndar bûbûn û hatibûn kuştin, wî dev ji YPG berda. Lê dûvre wan dîsa nerîna wî guhert ji bo dîsa tevlî şer bibe.«

ShareThis

KURDWATCH, 28ê hizêrana (June) 2015ê – Di 23ê hizêrana 2015ê de şervanên Yekîneyên Parastina Gel (YPG) yên Partiya Yekîtiya Demokrat (PYD) wargeheke leşkerî ya girîng ya Dewleta Islamî (DI) bidest xistin, ya ku berê wargeha katîbeya 93 ya artêşa sûrî bû. Piştî çend saetan Eyn Îsa ya sih û pênc kîlometran li başûrê Girê Sipî dikeve, standin. Şervanên YPGyê nêzîkî çil kîlometran li bakurê Reqayê ne, navenda leşkerî a sûrî ya DI ye.

ShareThis

KURDWATCH, 27ê hizêrana (June) 2015ê – Di 16ê hizêrana 2015an de Encûmena Niştimanî ya Kurd li Qamişloyê kongireya xwe ya sêyan girêda. Bi tevayî 282 beşdar encumeneke nû danîn ya ku ji heştê û yek endamê pêk tê. Her yekê ji sêzdeh partiyan, dûr ji giringiya wê, sê cih standin:
1. Partiya Yekîtî ya Kurd li Sûriyeyê (Serok Ibrahîm Biro);
2. Partiya Demokrata Kurdistan - Sûriye (PDK-S) (serok Siûd Mela);
3. Partiya Demokrat a Pêşverû ya Kurd li Sûriyeyê (Serok Hemîdê Hecî Derwêş);
4. Tegera Çaksaziyê ya Kurd - Sûriye (Serok Feysel Yûsif);
5. Partiya Wekhevî ya Demokrat a Kurd li Sûriyeyê (Serok Nimet Dawûd);
6. Partiya Welatparêz a Demokrat a Kurd li Sûriyeyê (Serok Tahir Sifûg);
7. Partiya Demokrat a Kurd li Sûriyeyê (El-Partî) (Serok nehatiye danîn);
8. Partiya Yekîtî ya Demokrat a Kurd li Sûriyeyê/Yekîtî ya Demokrat) (Serok Kamîran Hecî Ebdo);
9. Partiya Çep a Demokrat a li Sûriyeyê (Serok Şelal Gedo);
10. Partiya Çep a Kurdistan - Sûriye (PDK-S) (Serok Mehmûd Mela);
11. Şepêla Pêşeroja Kurd li Sûriyeyê (Serok Siyamend Haco);
12. Şepêla Pêşeroja Kurd li Sûriyeyê (Rêbera nivîsgeha têkiliyan Narîn Metînî);
13. Encumena Êzîdiyên Sûrî.
Partiyên di xalên 7, 9 û 10 de hatin binavkirin parçe ne ji wan partiyên ku ji ber nêzîkahiya xwe ji PYD ji Encûmena Niştimanî ya Kurd hatin dûrkirin [agahiyên bêhtir]. Partiya Rêkeftina Demokrata Kurd Sûrî, parçeyek ji Partiya Yekîtiya Demokrat (PYD), di hizêrana 2015ê de tevlî Partiya Çep a Kurdistan bû. 

Çil û du cihên mayî ji Encumenê gihan kesên ji partiyan serbixwe, yên ku ji aliyê endamên serbixwe yên Encûmena Niştimanî ya Kurd ve hatin hilbijartin.
Komîteya amadekar ya kongireyê reşnivîsa nîzamekê pêşkêşî beşdaran kir. Endamên nû hatin hilbijartin yên encûmenê dê vê nîzamê û bernameya Encûmena Niştimanî ya Kurd piştî serrastkirina ji aliyê komîteyeke yasayî bidin ber dengdanê. Herweha Şepêla Pêşeroja Kurd ya Siyamend Haco sê daxwazname pêşkêş kirin. Ya yekê damezirandina baskekî leşkerî yê Encûmena Niştimanî ya Kurd pêşniyar dike, ya diwan daxwaza birîna têkiliyan bi Partiya Yekîtiya Demokrat (PYD) dike û ya sêyan pêşniyarekê saz dike ji bo birêvebirina deverên bêhtir kurd li wan dijî li Sûriyeyê. Daxwaznameya yekê bi berfirehî hate gengeşekirin û ji bêhtirê endaman bi erênî hatin dîtin. Hebûn herdu daxwaznameyên dî tenê hate ragehandin. Ne wekî di pêşniyaran de hatî hêvîkirin, pêşniyar neketin ber dengdanê Komîteya amadekar ya kongireyê biryar da, ku encûmena nû hatî hilbijartin gereke daxwaznameyan gengeşe bike û biryara wan bide.

ShareThis

KURDWATCH, 25ê hizêrana (June) 2015ê – Di 20ê hizêrana 2015ê de Yekîneyên Parastina Gel (YPG) yên Partiya Yekîtiya Demokrat (PYD) li gor gotinên çalakvanan êrîşî hejmareke mezin ji gundên herêma Efrînê kirin û nêzîkî du sed mêrên ciwan bizorê kirin leşker. Hin ji gundên pêrgî êrîşî bûn ev in: Cindirêsê, Coqê, Reco, Şêran, Kefercenê, Meydano, Şêxorzê, Zerê, Bilbilê û Şiyê. Di nav kesên leşkerkirî de ji kêmayî du kesên temenbiçûk bûn, Mihemed Reşo yê şazdeh salî û Ciwan Xelo yê hivdeh salî. Di 23ê hizêranê de mirovên kesên bizorê hatin leşkerkirin daxwaza serbestberdana wan kirin. Niha li herêma Efrînê sih û şeş wargeh hene, ku li wan YPG milîsên xwe perwerde dike. Di nav wan de kesên bizorê hatin leşkerkirin jî hene.

ShareThis

KURDWATCH, 24. Juni 2015 – Di 20ê hizêrana 2015ê de şervanên Dewleta Islamî (DI) li bajarê Reqayê nêzîkî pêncî mêrên Kurd ji xaniyên wan revandin. Agahiyên girêdayî qedera kesên revandî nînin.

ShareThis

KURDWATCH, 24ê hizêrana (June) 2015ê – Di şeva 21 li ser 22ê hizêrana 2015ê de li Qamişloyê pevçûn di nav şervanên Yekîneyên Parastina Gel (YPG) yên Partiya Yekîtiya Demokrat (PYD) û Artêşa Bergiriya Niştîmanî ya rejîmperwer de çêbû. Kesekî sivîl di pevçûnan de jiyana xwe ji dest da. Agahiyên girêdayî sedem û hejmara qurbaniyan nînin.

ShareThis

www.kurdwatch.org -  © 2009 - 2015 [ E-Mail: info@kurdwatch.org ]