KurdWatch
 

Bi nûçenameya me agahdar bimîne
E-Maila te

qeydkirin
derketin
 
 

KURDWATCH, 27ê gulana (May) 2015ê – Di 19ê gulana 2015ê de Yekîneyên Parastina Gel (YPG) yên Partiya Yekîtiya Demokrat (PYD) şervanên Dewleta Islamî (DI) ji çend gundên ku nêzîkî pênc kîlometran li başûrê Serê Kaniyê dikevin derxistin. Navê van gundan: Um-Al-Mesamîr Ereb, Um Al-Mesamîr Kurd, Um Al-Mesamîr Xerbî, Hecî Qadirî, Hiweyca û Tel Hemam.

ShareThis

KURDWATCH, 27ê gulana (May) 2015ê – Di 23ê gulana 2015ê de Yekîneyên Parastina Gel (YPG) yên Partiya Yekîtiya Demokrat (PYD) qedexekirina derveçûna şevê ya ku ji 7ê gulana 2015ê ve li çend taxên Hisiçayê danî bû [agahiyên bêhtir] bi dawî kir. Ev qedexekirina derveçûnê ya herî dirêj bû ji aliyê PYG ve.

ShareThis

KURDWATCH, 25ê gulana (May) 2015ê – Di 20ê gulana 2015ê de şaredariya Partiya Yekîtiya Demokrat (PYD) li Girkê Legê ji hemû xudanên dikanan bi nivîskî xwest ku armeyên dikanên xwe li ser hesabê xwe biguherînin. Armeyên nû divê bi sê zimanan bin - kurdî, erebî û aramî.

ShareThis

KURDWATCH, 24ê gulana (May) 2015ê – Ji demekê ve Partiya Karkerên Kurdistan (PKK) li gelek bajarên herêmên bêhtir Kurd li wan dijîn yên Tirkiyeyê dem bi dem perwerdekirinên siyasî ji bo ciwanên Kurd pêk tîne. Di xaniyên taybet de komên heta bi sih kesan bi dirêjahiya hefteyek heta du hefteyan dersan distînin. Têkilî ber bi derve bi xurtî qedexe ye. Piştî bidawîkirina perwerdekirinê kesên beşdar dikevin ber biryarê de, ka ew dixwazin li Tirkiyeyê karê siyasî bikin yan li Sûriyeyê şer bikin. »Gelek kes biryarê distînin ku li Sûriyeyê şer bikin«, wisa çalakvanekî ji KurdWatch re ragihand.

ShareThis

KURDWATCH, 22ê gulana (May) 2015ê – Di 17 û 18ê gulana 2015ê de şervanên Yekîneyên Parastina Gel (YPG) yên Partiya Yekîtiya Demokrat (PYD) deh kîlometran li başûrê rojavayê Tel Temrê eniyeke diduyan li dijî wargehên Dewleta Islamî (DI) vekirin. Li gor agahiyên YPGyê, wan karîn DI heta 2ê gulana 2015ê ji bîst gundan derxin. Di nav de çend gundên xiristiyan hebûn. Pêşketina YPG bi êrîşên ezmanî yên hevbendiya bi rêberiya WY re pêk hat.

ShareThis

KURDWATCH, 22ê gulana (May) 2015ê – Di 16ê gulana 2015ê de Dicla Mihemed, cîgira serokê Komîteya Bergiriyê ya rêvebiriya demkî ya Kantona Efrînê, ya ku ji aliyê Partiya Yekîtiya Demokrat (PYD) ve hatiye danîn, di hevpeyvînekê de bi ajansa ANHA ya nêzîkî PYD da xuyakirin, ku encumena rewayî ya kantonê di 7ê gulana 2015ê de yasayek leşkerkirinê daniye. Naverok mîna yasaya Kantona Cizîrê ye ya ku di 13ê tîrmeha 2014ê hatibû weşandin [agahiyên bêhtir]. Ji ber yasayê dê di demeke nêzîk de li kantona Efrînê jî mêrên ciwan yên hejdeh û sih salî bi zorê bên mecbûrkirin ku xizmeteke leşkerî ya şeş mehî di Yekîneyên Parastina Gel (YPG) yê PYD de pêk bînin.

ShareThis

KURDWATCH, 22ê gulana (May) 2015ê – Di 15ê gulana 2015ê de karmendên Asayîşê, Hêzên Ewlekariyê yên Partiya Yekîtiya Demokrat (PYD), li ser çarşiyeke heftane li Dirbêsiyê hejmareke mezin ji mêran bi zorê kir leşker. Hejmarên deqîq nînin.

ShareThis

KURDWATCH, 22ê gulana (May) 2015ê – Di 20ê gulana 2015ê de Yekîneyên Parastina Gel (YPG) yên Partiya Yekîtiya Demokrat (PYD) çiyayê Kezwanê (Ebdilezîz), yê ku nêzîkî sih û pênc kîlometreyan li başûrê rojavayê Hisiça dikeve bindest kirin. Çiyayê Kezwanê berdewamiya çiyayê Şengalê li Iraqê ye. Di deverên bindestkirî de bi kurd û xristianiyan re bêhtir endamên eşîrên erebî dijîn.

ShareThis

KURDWATCH, 20ê gulana (May) 2015ê – Di 9ê gulana 2015ê de karmendên Asayîşê, Hêzên Ewlekariyê yên Partiya Yekîtiya Demokrat (PYD), Nezîr Mustefa li ser sînorê sûrî-iraqî revandin. Endamê komîteya herêmî ya Dêrikê ya Partiya Demokrata Kurdistan - Sûriye (PDK-S) hewl dabû, deriyê sînorê Sê Malka bi aliyê Kurdistana Iraqê de bihurîne. Mustefa piştî sê rojan dîsa serbest hate berdan.

ShareThis

KURDWATCH, 18ê gulana (May) 2015ê – Di 11ê gulana 2015ê de karmendên Asayîşê, Hêzên Ewlekariyê yên Partiya Yekîtiya Demokrat (PYD), civîneke navxweyî ya Partiya Demokrata Kurdistan - Sûriye (PDK-S) li xaniyekî taybet li gundê Basûtê, yê ku pênc kîlometreyan li başûrê Efrînê dikeve, di bin tehdîda zora çekan de bidawî kirin. Di civînê de endamê komîteya navendî ya PDK-S Hisên Îbeş jî amade bû. Asayîşê li kesên amadebûyî qedexe kir, ku civînên din li dar bixin.

ShareThis

KURDWATCH, 18ê gulana (May) 2015ê – Di 13 û 14ê gulana 2015ê de karmendên Asayîşê, Hêzên Ewlekariyê yên Partiya Yekîtiya Demokrat (PYD), li Amûdê, Qamişlo û Girkê Legê hejmareke mezin ji mêran bi zorê kirin leşker. Hejmarên deqîq nînin.

ShareThis

www.kurdwatch.org -  © 2009 - 2015 [ E-Mail: info@kurdwatch.org ]