KURDWATCH, 23ê gulana (Mai) 2013ê - Di 19ê gulana 2013ê de şervanên Yekîneyên Parastina Gel (YPG) yên Partiya Yekîtiya Demokrat (PYD) bi tevayî heftê û şeş endamên Partiya Demokrat a Kurdî li Sûriyê (el-Partî) ya Ebdulhekîm Beşar li cihên cuda revandin. Bêhtirê wan ji perwerdekirina kadroyan li Kurdistana Iraqê li ser rêya vegerê bûn. Ebdulhekîm Beşar ji KurdWatch re ragehand: »YPG bi karê rêjîmê radibe. Ew mîna ewlekariya dewletê, ya leşkerî û ya siyasî tevdigere.« Li ser pirsa bê Kadroyan li Kurdistana Iraqê çi dikirin, wî bersiv da: »PYD nikare ji me re bêje em bi çi rengî çalakbin. ev tenê karê me ye, ne yê PYD, ka kadroyên me li Kurdistana Iraqê çi dikin.« PYD ji aliyê xwe de ragehandiye ku, endamên el-PArtî hatine girtin ji ber ku wan sînor bi qaçaxî bûrandine. Ewê bên berdan, gava ti doz li dijî wan tinebin. Li gor agahiyên endamekî bilind yê Partiya Demokrat a Kurdistanyê (PDK)  hikûmeta herîmî ya kurdî (KRG) wekû bersiv li ser revandinan; deriyê sînor yê Sê Malka (li rojhilatê Dêrikê) girt.

KURDWATCH, 22ê gulana (Mai) 2013ê - Ebdulhekîm Beşar, sekreterê Partiya Demokrat a Kurdî li Sûriyê (el-Partî), ji KurdWatch re raporên medyayê piştrast kirin, ku li gor wan her çar partiyên Yekîtiya Siyasî ya Demokrat ya Kurdî - Sûriye [agahiyên bêhtir li ser Yekîtiyê] helkirina partiyên xwe û sazkirina partiyek nû plan dikin: »Erê,  me biryar standiye. Emê komîteyekê saz bikin, ya ku yekbûnê amade bike. Lê ev ne karê du heftyane. Em di hemû waran de gelekî nêzîkî hevin, lê divê em bi aramî li prosesê binerin, ji boku  yekbûn xira nebe.«

KURDWATCH, 22ê gulana (Mai) 2013ê - Di 18ê gulana 2013ê endamên Asayişê,Hêzên Ewlekariyê yên Partiya Yekîtiya Demokrat (PYD) xwendekarê yasayê Şêrko Ebdulrezaq Xelîl (jidayikbûn 1992 li Serê Kaniyê) revandin. Sedem nediyarin. Çalakvanekî ji KurdWatch re diyarkir: »Malbata Şêrko tê tawanbarkirin, bi deyndariya nêzîkî not hezar lîreyên sûrî. Loma dawek hat hildan. Lê min bawere, ku ti berjewendiya PYD ji vê yekê nîne, kesekî ji ber perekî wisa kêm nakeve zindanê de. Min bawere, sedemên girtinê ewe ku mirovekî nêzîkî Şêrko çalakvanekî Artêşa Azad ya Sûriyê (AAS) bû.«

KURDWATCH, 22ê gulana (Mai) 2013ê - Di 16ê gulana 2012ê de endamên Asayiş, hêzên ewlekariyê yên Partiya Yekîtiya Demokrat (PYD)  Kadşîn Xelef Siracadîn (jidayikbûn 1988 li Qamişlo) revandin. Di vîdyoyeke weşandî de bavê ciwanê xwendekar û endamê ketîbeya Şêx Maşûqê Xeznewî ya Partiya Yekîtî ya Kurdî li Sûriyê ragehand ku Asayişê gotiye ku, xwedêgiravî, lêpirsîn derbarê kurê wî de heye, lê bêyî ku sedema wê lêpirsînê bibêjin. Wî serbestberdana yekser ya kurê xwe xwest.

KURDWATCH, 20ê gulana (May) 2013ê - Di 13ê gulana 2013ê de endamên Asayişê, yên Hêzên Ewlekariyê yên Partiya Yekîtiya Demokrat (PYD), li Tel Marûfê (bîst kîlometr li başûrê rojhilatê Qamişlo) Serdar Qerê endamê Partiya Yekîtî ya Kurdî li Sûriyê revandin. Sedemên revandinê li gor ragehandineke Yekîtî çalakvaniya leşkerî ya Qerê bû ji bo partiyê, ya ku li herêmên kurdî çend ketîbeyên wê yên leşkerî hene. Her ketîbeyek bi dehan şervanên wê hene.

KURDWATCH, 18ê gulana 2013ê - Di 24ê gulana 2013ê de Yekîneyên Parastina Gel (YPG) yên Partiya Yekîtiya Demokrat (PYD) Mihemed Salih Mihemed Seîd, endamê ketîbeya Şêx Maşûqê Xeznewî ya Partiya Yekîtî ya Kurdî li Sûriyê serbest berdan. Mihemed Seîd di 17ê nîsanê de bi şeş şervanên dî re yên ketîbeyê ji aliyê PYG ve hatibû revandin. Şervanên dî hîna di nav destê YPG de ne. Endamekî ketîbeya Şêx Maşûqê Xeznewî ji KurdWatch re ragehand ku Mihemed Seîd ji aliyê YPG ve hatibû işkence kirin.

KURDWATCH, 17ê gulana (May) 2013ê - Di pevçûnên çekdarî yên berdewam de ku di navbera Artêşa Azad ya Sûriyê (AAS) û hêzên desthilatdariyê de pêk tên, di heftiya ji 4 heta 10ê gulana 2013ê de, dîsa gelek kes hatin kuştin û birîndar kirin. Xwenîşanderan di 10ê gulanê de, ku li seranserî Sûriyê di bin duruşma »Banyas, qirkirina taifî di bin parastina navnetewî de« de derketin ser kolanan û doza hilweşandina rejîmê kirin. Alîgirên Partiya Yekîtiya Demokrat (PYD) ti xwenîşandan vê heftiyê jî li darnexistin. Li Qamişloyê li her yekê ji taxên Enterîyê (ji aliyê komên ciwanan yên cuda) û li Munîr Hebîb (ji aliyê Encûmena Niştimanî ya Kurdî ve) xwenîşandanek pêkhat. Li Amûdê tenê xwenîşandanek hebû ku ji aliyê komên cuda yên ciwanan ve, di nav de hevrêziya Avahî, hatibûn amade kirin. Alîgirên Encûmena Niştimanî ya Kurdî dev ji amadekrina xwenîşandanekê berdan ji ber mûsimê çandinîyê û ji ber imtîhanên bidawîkirinê yên vê sala dibistanê. Li Hisiçayê du xwenîşandanên ji hev cuda hebûn, yek ji aliyê Encûmena Niştimanî ya Kurdî (ENKS) û yek jî ji aliyê komên erebî ve hatibû amade kirin. Li her yekî ji bajarên Dirbêsiyê, Kobaniyê, Çil Axa û Tirbesipîyê Encûmena Niştimanî ya Kurdî xwenîşandanek li darxist. Li Dêrik û Girkê Legê xwenîşandanên heftiyane yên Encûmena Niştimanî ya Kurdî mîna heftiyên berê ne di înê de lê di şemiyê de li dar ketin. Li Efrînê û Serê Kaniyê herwiha li taxên kurdî yên Heleb û Şamê xwenîşandan li dar neketin. Bi giştî hejmara xwenîşandanan li herêmên kurdî ber bi kêmbûnê ve diçe.

KURDWATCH, 14ê gulana (Mai) 2013ê - Di 6ê gulana 2013ê de endamên Asayişê, yên Hêzên Ewlekariyê yên Partiya Yekîtiya Demokrat (PYD), li ser derîyê sînor yê Sê Malka, li rojhilatê Dêrikê, basa siyasetmedarên rêber yên Encûmena Niştimanî ya Kurdî, rawestandin. Bas li ser rêya vegerê bû ji hevdîtinekê bi serok Barzanî re li Erlbîlê [agahiyên bêhtir]. Siyasetmedar mecbûr bûn ji erebeyê dakevin, berî ku ew bê teftîşkirin. Ibrahîm Biro, sekreterê Partiya Yekîtî ya Kurdî li Sûriyê, rûdan piştrast kir. Biro ji PYD xwest ku ew lêborîna xwe bixwaze. Li aliyekî din endamên Asayişê diyarkiribûn, ku ew li gor fermanan kar dikin.

KURDWATCH, 14ê gulana (Mai) 2013ê - Di 1ê gulana 2013ê de Kamîran Hec Ebdo, endamê komîteya rêber yê Partiya Yekîtî ya Demokrat a Kurdî li Sûriyê (Yekîtiîya Demokrat), di ragehandinekê de sekreterê partiyê, Mihyedîn Şêx Alî, herweha komîteya rêvebir tawanbar kir, ku wan bernameya siyasî ya kongireyê dawî yê partiyê [agahiyên bêhtir] guhertibin. Di ragehandina dawî de, ya ku ew bi xwe jî hevpar bû di amadekirina wê de, daxwaza herifandina rêjîmê kiribû. Lê di nivîsa weşandî de tenê bidawîkirina desthilatdariya rêjîma ewlekarî tê axavtin. Ji ber vê yekê û ji ber nerînên cuda yên din komekê ji endamên Yekîtiya Demokrat li destpêka gulanê vekişandina xwe ji partiyê ragehandin. Endamekî Yekîtiya Demokrat ji KurdWatch re ragehand: »Armancên Alî, ji bo kontrolkirina partiyê, di kongireyê dawî de hatin xuyakirin. Endamên çend navçeyên partiyê daxwaza lidarxistina kongireyekî taybet kirin. Alî nabe ku xwe bi  asanî di ser daxwazên endamên partiyê re bibîne.«

KURDWATCH, 12ê gulana (Mai) 2013ê - Ji 28ê nîsan heta 6ê gulana 2013ê serok Mesûd Barzanî rêberên partiyên Encûmena Niştimanî ya Kurdî herweha nûnerên Partiya Yekîtiya Demokrat (PYD) vexwendî Erbîlê kirin, ji bo ku bi wan re li ser çareserkirina astengiyên di nav Encûmena Niştimanî ya Kurdî û Encumena Gel ya Rojavayê Kurdistanê biaxive. Lê nûnerên PYD herweha yên Partiya Demokrat a Pêşverû ya Kurdî li Sûriyê, ya ku bi nêzîkahiya ji PYD tê bergumankirin, tev li hevdîtinê nebûn. Di ragehandinekê de Partiya Pêşverû sedemên dûrmayîna xwe wisa şirovekir, ku hevdîtinên wiha pir caran bê encam diman. Herweha gereke Encûmena Niştimanî ya Kurdî li destpêkê astengiyên xwe çareser bike. PYD ya ku hevdîtina bi nûnerên Encûmena Niştimanî ya Kurdî re red kir, ji ber ew »ne parçeyek ji astengiyane«, nerîna xwe ku mîna ya partiya Pêşverû ye nîşanda. Herweha PYD ragehand, ku ew dê bi nûnerên Partiya Azadî ya Kurdî li Sûriyê ya Mustefa Cuma li ser maseyekê ne rûne, ji ber ku ew di kuştina Kurdan de beşdare. Dûr ji vê yekê wan çend nûnerên xwe rêkirin Kurdistana Iraqê, ji bo serok Barzanî bi tenê bibînin.